ژمارەیەک لە هێزەکانی هەسەدە و هاوپەیمانان لە کاتی ئەنجامدانی ئۆپەراسیۆنێکدا لە رۆژئاوای کوردستان، فۆتۆ: سۆشیاڵ میدیا
بۆ بەهێزکردنی پێگەی خۆیان
هاوپەیمانان بە حەوت فڕۆکەی بارهەڵگر چەکیان گەیاندە رۆژئاوای کوردستان
964+
ژووری هەواڵ
هاوپەیمانی نێودەوڵەتی بە حەوت فڕۆکە و 178 ئۆتۆمبێلی بارهەڵگر چەک و کەرەستەی سەربازی دیکەی گواستەوە بۆ رۆژئاوای کوردستان.
ئەمڕۆ سێشەممە 23.7.2024، روانگەی سووری بۆ مافەکانی مرۆڤ رایگەیاند، هاوپەیمانی نێودەوڵەتی گواستنەوەی کەلوپەلە سەربازییەکانی لەماوەی دوو هەفتەی رابردوودا ئەنجامداوە و گەیاندوویەتیە بنکەکانی خۆی لە رۆژئاوای کوردستان.
بەگوێرەی زانیارییەکانی روانگەی سووری بۆ مافەکانی مرۆڤ، هاوپەیمانی نێودەوڵەتی دەیەوێت بنکە و بارەگاکانی خۆی بەهێزبکات لە دژی هێرشی گرووپە چەکدارەکانی نزیک لە ئێران.
هاوپەیمانان لە سەرەتای ئەمساڵەوە تاوەکو ئێستا بە 72 فڕۆکە، 233 ئۆتۆمبێلی بارهەڵگر، چەک و کەرەستەی سەربازییان گواستووەتەوە بۆ رۆژئاوای کوردستان..
