ئەمڕۆ وادەی وەرگرتنی گەنم کۆتاییدێت و نزیکەی 20 هەزار تۆن ماوە

964+

ژووری هەواڵ

ئەمڕۆ وادەی وەرگرتنی گەنمی جوتیاران لە سایلۆکانی هەرێمی کوردستان کۆتاییدێت، لەماوەی نزیکەی دوو مانگدا زیاتر لە 680 هەزار تۆن گەنم وەرگیراوە.

ئەمڕۆ تاوەکو کاتژمێر 12:00ـی شەو سایلۆکان گەنم لە جوتیاران وەردەگرن، دواتر وادەکە کۆتاییدێت.

نەوزاد کامیل، بەڕێوەبەری گشتی بازرگانی لە وەزارەتی بازرگانی ھەرێم بە 964ـی راگەیاند، لەو 700 هەزار تۆنەی کە بۆ جوتیاران دیاریکرابوو، نزیکەی 10 بۆ 20 ھەزار تۆن گەنم ماوە وەربگیرێت.

لەبارەی ئەگەری درێژکردنەوەی وادەکە، نەوزاد کامیل وتی، پێناچێت جوتیاران پێویستیان بە درێژکردنەوەی وادەی وەرگرتنی گەنم ھەبێت.

لە رێکەوتی 6.6.2024، وەرگرتنی گەنمی جوتیاران لە سایلۆکانی سلێمانی، هەولێر و دهۆک دەستیپێکرد.

ئەو جوتیارانەی گەنمیان بۆ سایلۆی سەیدسادق بردووە ئەم هەواڵە بۆ ئێوەیە