دەستگیرکردنى چوار تۆمەتبار لە ئاکرێ بە تۆمەتى بەکارهێنانى مادەى هۆشبەر...وێنە: پۆلیسى ئاکرێ
سێ گەنج و مێردمنداڵێک
چوار کەس لەسەر بەکارهێنانى مادەى هۆشبەر دەستگیرکران
964+
وریا فەتاح
پۆلیسى ئاکرێ دەستگیرکردنى چوار کەسى بە تۆمەتى بەکارهێنانى مادەى هۆشبەر راگەیاند کە یەکێک لەوان مێردمنداڵێکى تەمەن 16 ساڵە.
پۆلیس ئاکرێ لە راگەیەنراوێکدا بڵاوى کردەوە، دواى ئەوەى لە نوسینگەى نەهێشتنى تاوان سکاڵایەک تۆمارکرا، دەستبەجێ پۆلیس دەستى بە لێکۆڵینەوە کرد و دواى کۆکردنەوەى زانیارى سەیرکردنەوەى کامێراکانى چاودێرى، فەرمانى دادوەر وەرگیرا بۆ دەستگیرکردنى چوار تۆمەتبار کە مادەى هۆشبەریان بەکاردەهێنا.
باس لەوەشکراوە سێ گەنجى تەمەن (20،21،23) ساڵان و مێردمنداڵێکى تەمەن 16 ساڵ، بەو تۆمەتە دەستگیرکراون.
تۆمەتبارەکان مادەى هۆشبەرى جۆرى کریستاڵیان بەکارهێناوە و ئەو مادەیەش کە بەکاریان هێناوە لەلایەن پۆلیسەوە دەستى بەسەرداگیراوە
لەئێستادا تۆمەتباران بە مادەى 27 لە یاساى نەهێشتنى مادەى هۆشبەر یاساى ژمارە 1ـى ساڵى 2020، راگیراون و لێکۆڵینەوەیان لەگەڵ دەکرێت.
