دیمەنی کارکردن لە پرۆژەی ئاوی گەڕکی دەرسیم. وێنە.قایمومایەتی دەربەندیخان
هەفتەی داهاتوو پرۆژەی ئەوەکەیان تەواو دەبێت
گەڕەکێکی 500 ماڵەی دەربەندیخان لە بێ ئاوی رزگاریان دەبێت
964+
توانا نەقی
یەکێک لە گەڕەکە گەورەکانی دەربەندیخان خەریکە لە بێ ئاوی رزگاری دەبێت و ئەوەندەی نەماوە پرۆژەی ئاوی گەڕەکەکە تەواو بکرێت.
پرۆژەی راکێشانی ئاوی گەڕەکی دەرسیم – 42 لەسەر بودجەی پەرەپێدانی پارێزگای سلێمانی جێبەجێ دەکرێت و هەفتەی داهاتوو تەواو دەبێت.
سلێمان محەمەد قایمقامی دەربەندیخان بە 964ـی وت، گەڕەکەکە پێکهاتووە لە نزیکەی 500 ماڵ و بە راکێشانی ئاو بۆ ئەو گەڕەکە بەشێک لە گرفتەکانیان چارەسەر دەبێت.
وتیشی، ئێستا لە 99%ـی پرۆژەکە تەواو بووە و لە قۆناغی کۆتاییدایە، بڕیاریشە لە هەفتەی داهاتوو پرۆژەکە تەواو بێت و سەرجەم ماڵەکانی ئەو گەڕەکە لێی سوودمەندبن.
قایمقام ئاماژەی بەوەشکردووە، گوژمەی پرۆژەکە 430 ملیۆن دینارە و جگەلەوە لەلایەن جێگری سەرۆکی حکومەتەوە 30 ملیۆن دیناری دیکەشی بۆ دانراوە.
