بازاری رانیە وێنە: پۆلیسی راپەڕین
هەڵمەتەکە دەستیپێکردووە
بازاڕى رانیە لە زێدەڕۆیى بەردەم دوکانەکان پاکدەکرێتەوە
964+
ژێوار خدر
ماوەی چەند رۆژیکە بەشی پۆلیسی شارەوانی راپەڕین، هەڵمەتێکی لابردنی زێدەڕۆییەکانى ناو بازاڕی رانیەی دەستپێکردووە و ناو بازاڕ لەو عەرەبانە و دەستگێڕانە پاک دەکەنەوە کە لە بەردەم دوکانەکاندا راگیراون.
رابەرحەسەن وتەبێژی پۆلیسی راپەڕین بە 964ی وت، لە پێناو بەرژەوەندی گشتی و جوان کردنی سیمای شاردا هەڵمەتەکەیان دەست پێکردووە.
وەک باسى دەکات، تەنیا لەناو بازاڕی رانیەدا تیمەکانیان رێگری لەو عەرەبانە و دەستگێڕانە دەکەن کە لە بەردەمی دوکانەکان رادەگیرێن و قەرەباڵغی لەناو بازاڕکە دروست دەکەن.
روونیشیکردەوە، هەڵمەتەکە جارێ بەردەوامی دەبێت.
ئەوە لە کاتیکدایە، رۆژانى هەینى لە ناو بازاڕى رانیە و بەردەم مزگەوتى گەورەى شارەکە، رێگە بە دەستگێڕەکان و خاوەن عەرەبانەکاندراوە کەلوپەلەکانیان بفرۆشن.
