منداڵەکە لە نەخۆشخانەیە و چارەسەر وەردەگرێت. فۆتۆ: پۆلیسی راپەڕین
شۆفێرەکە دەستگیر کراوە
منداڵێک لە رانیە ئۆتۆمبێل لێیداوە و پۆلیس داوای کەسوکاری دەکات
964+
ژووری هەواڵ
پۆلیسی راپەڕین وێنەی منداڵێکی بڵاوکردووەتەوە و دەڵێت، ئۆتۆمبێل لێیداوە و براوەتە نەخۆشخانە، داوا لە کەسوکاری دەکات بچن بەدەمیەوە.
ئەمڕۆ هەینی 21.6.2024، رابەر حەسەن، وتەبێژی پۆلیسی راپەڕین بە 964ـی راگەیاند، منداڵەکە رەوشی تەندروستی “زۆر باش نییە” و براوەتە نەخۆشخانەی گشتیی رانیە و چارەسەری بۆ ئەنجامدەدرێت، بەڵام رەنگە رەوانەی سلێمانی بکرێت.
بە وتەی رابەر حەسەن، ئۆتۆمبێلێک لە ترافیک لایتی گەڕەکی رزگای لە منداڵەکەی داوە و برینداری کردووە و دواتر بردوویەتی بۆ نەخۆشخانە.
شۆفێری ئۆتۆمبێلەکە لەلایەن پۆلیسی راپەڕین دەستگیر کراوە و لێکۆڵینەوەی لەگەڵدا دەکرێت.
پۆلیس داوا لە خێزانەکەی دەکەن پەیوەندی بکەن بە ژمارەی تەلەفۆنی 07501726468 و سەردانی نەخۆشخانەی گشتیی رانیە بکەن.
