لە ئەم بەیانییەوە شەقامی نزیک پارکی ئازادی بەربەست دەکرێت

توانا نەقی

شەقامی نزیک پارکی ئازادی سلێمانی ئەمڕۆ قیرتاو دەکرێت شارەوانیش هۆشداری دەدات بە هاوڵاتیان ئەو شەقامە بەربەست دەکرێت و هاتوچۆی پیا نەکەن.

سەرۆکایەتی شارەوانی سلێمانی بڵاویکردەوە، لە ئەمڕۆ کاتژمێر 9:00ـی بەیانییەوە شەقامێ نزیک پارکی ئازادی بەربەست دەکەن چونکە کاری قیرتاوکردنی تیادا ئەنجام دەدرێت.

ئاماژەی بەوەشكردووە، داخستن و بەربەستەکە شەقامی نزیک پارکی ئازادی بە ئاڕاستەی هۆڵی تەوار و سوپەرمارکێتی زارا دەگرێتەوە چونکە ئەو شوێنە قیر دەکرێت.

شارەوانی داوا لە شۆفێڕان دەکەن بۆ دوورکەوتنەوە لە دروستبوونی جەنجاڵی، رێگاکانی دەورووبەر وەک جێگرەوە بەکاربهێنن تا ئەو کاتەی تیمەکانیان کارەکانیان کۆتایی پێدەهێنن.