سایلۆ سلێمانى لە کاتى وەرگرتنى گەنم - وێنە: پەیجى سایلۆى سلێمانى لە فەیسبوک
دوای جەژن دابەشدەکرێت
حکومەتی عێراق 20 ملیار دیناری بۆ جوتیارانی هەرێم نارد
964+
ژووری هەواڵ
حکومەتی عێراق وەجبەی دووەمی پارەی گەنمی جوتیارانی بۆ هەرێمی کوردستان نارد و دابەشدەکرێت بەسەر هەرسێ پارێزگای هەولێر، سلێمانی و دهۆک.
ئەمڕۆ هەینی 14.6.2024، بەڕێوەبەری گشتیی بازرگانیی هەرێمی كوردستان بە 964ـی راگەیاند، ئەو بڕە پارەیەی ئەمجارە بەغدا ناردوویەتی 20 ملیار دینارە و لەدوای جەژنی قوربان رێکارەکانی دابەشکردنی دەستپێدەکات.
لەو 20 ملیار دینارە، 10 ملیار دیناری بۆ جوتیارانی سلێمانییە، شەش ملیار دیناری بۆ جوتیارانی هەولێرە و چوار ملیار دینارەکەی دیکەش بۆ پارێزگای دهۆکە.
دابەشکردنی پارەی گەنمی جوتیاران دەستیپێکرد و لە ئەمڕۆوە هەر جوتیارێک گەنمی رادەستی سایلۆکان کردبێت، دەتوانێت بچێت چەکی پارەکەی وەربگرێت.
پێشتریش حکومەتی عێراق شەش ملیار دیناری دیکەی بۆ هەمان مەبەست ناردبوو، کە سێ ملیار دیناری بۆ پارێزگای سلێمانییە و سێ ملیار دینارەکەی دیکەش بۆ پارێزگاکانی هەولێر و دهۆکە.