ئەلینا رۆمانۆوسکی بالیۆزی ئەمریکا لە عێراق
هێرشەکان راگرن
باڵیۆزی ئهمریكا له بهغدا هۆشداری به عێراقییهكان دهدات
964+
ئهرسهلان عهبدوڵا
باڵیۆزی ئەمەریکا لە عێراق دهڵێت، ئیدانەی هێرشە توندوتیژەکانی ئەم دواییەی سەر کۆمپانیا ئەمەریکی و نێودەوڵەتییەکان دەکەن، هۆشداریی ئهوهش دهدات، هێرشهكان بۆ سهر كۆمپانیا ئهمریكی و بیانییهكان له عێراق، زیان به ئابووری عێراق و هاتنی وهبهرهێنانی بیانی دهگهیهنێت.
ئەلینا رۆمانۆوسکی، باڵیۆزی ئەمەریکا لە عێراق، له تۆڕی ئێکس (توویتهری پێشوو) راگهیاندراوێكی بڵاوکردەوە و دهڵێت: ” ئێمە ئیدانەی هێرشە توندوتیژەکانی ئەم دواییەی سەر کۆمپانیا ئەمەریکی و نێودەوڵەتییەکان دەکەین و داوا لە حکومەتی عێراق دەکەین، لێکۆڵینەوەیەکی هەمەلایەنە بكات و بەرپرسانی ئەو هێرشانە بدرێنە دادگا و رێگری لە هەر هێرشێکی داهاتوو بکات”.
باڵێۆزی ئهمریكا له عێراق هۆشداری به عێراقییەکان دهدات و ئاماژه بهوه دهكات، هێرشهكان توانای عێراق بۆ راکێشانی وەبەرهێنانی بیانی لاواز دهکات.
“ئێمە پابەندین بە هاوبەشی ئەمەریکا و عێراق بۆ بنیاتنانی دەرفەتی ئابووری و خۆشگوزەرانی بۆ هەموو عێراقییەکان” ئەلینا رۆمانۆوسکی وادهڵێت.
شانهی ئهمنیی عێراق ئهمڕۆ بڵاویانكردهوه، بە بۆمبی دەستی هێرشکراوهته سەر لقی کۆمپانیایهكی کەرەستەی بیناسازی ئەمەریی و پەیمانگای پەروەردەیی کامبریجی بەریتانی لە بەغدا، ههروهها یهكشهممهی رابردوو دوو رێستورانتی سەر بە زنجیرە رێستورانتهكانی KFC لەلایەن چهند كهسێكهوه له بهغدا هێرشیان كرایهسهر.
