هەولێر
کەپر و عەرەبانەکەی لە رقی شارەوانی سووتاند
964+
ئەرسەلان عەبدوڵا
کاسبکارێک لە دووسایدی دارەتووی هەولێر کەپر و عارەبانەکەی سووتاند، ئەمەش وەک ناڕەزایی بەرامبەر هەڵمەتی شارەوانی بۆ تێکدانی شوێنی کار و شکاندنی عارەبانەکانیان.
بە پێی زانیارییەکانی 964 ئەمڕۆ چوارشەممە 22.4.2026 شارەوانیی پێنج هەڵمەتی لابردنی زێدەڕۆیی سەر شەقامەکانی دەستپێکردووە و ئەو کەپر و عارەبانانەی لەسەر دووسایدی دارەتوو بوون، لابران و هەندێکیان شکاندن و پانکردوونەتەوە.
لە بەرامبەر ئەو هەڵمەتەدا، کاسبکارێک، کە عارەبانەیەکی هەیە و کەپرێکی لەسەر دروستکردووە، ئاگری لە عارەبانەکەی بەرداوە و سووتاندوویەتی.
برایەکی ئەو کاسبکارەی عارەبانەکەی سووتاندووە، بە 964ی راگەیاند، براکەی بە دوو منداڵییەوە لە لایەن هێزە ئەمنییەکانەوە دەستگیر کراوە.
شارەوانی لە بەرامبەر هەڵمەتەکەیدا رایگەیاندبوو، کە هەرچی زیادەڕۆییە لەسەر شەقام و رێگەوبانەکان لایدەبەن.