دیمەنی کەرەستە و خواردنە دەستبەسەردا گیراوەکان _ وێنە: قایمقامیەتی کۆیە
لە کۆیە
نزیکەی 500 کیلۆگرام خواردنی ماوەبەسەرچوو دەستی بەسەردا گیرا
964+
ئەحمەد مستەفا
قایمقامیەتی کۆیە دەڵێت، “لە ئەنجامی گەڕان و چاودێری بەردەوامی لیژنەی هاوبەشی ئابوری قایمقامیەتی قەزای کۆیە توانراوە دەستبگیرێت بەسەر نزیکەی 550 كیلۆگرام خۆراکی بەسەرچوودا”.
ئەمڕۆ دووشەممە 27.5.2024، لە بڵاوکراوەیەکدا قایمقامیەتی کۆیە ئەوەشی وتووە، “یاریدەدەرێتی ئاسایشی کۆیە و لیژنەی هاوبەشی ئابووری قایمقامیەتى قەزای كۆیە لە کۆگایەکی ناوشاری کۆیە دەستیان گرتووە بەسەر خۆراکەکە بەسەرچووەکان”.
“خواردنە دەست بەسەرداگیراوەکان نزیکەی 500 کیلۆگرام بوون، کە پێکهاتبوو لە گۆشتی مریشک (سینگ،ران،باڵ ، جگەر) و لە لایەن لیژنە هاوبەشەکانەوە لە شوێنێکی تایبەت تەلەف کران و لەناووبراون”.
قایمقامیەتی کۆیە ئاماژەی بەوەشکردووە، “هەر لەلایەن لیژنەی ئابووری و هاوبەشەکانەوە سزای ماددی فرۆشیارەکەش دراوە”.
قیری بەشێک لە شەقامەکانی کۆیە نوێ دەکرێتەوە
