بە مردنی رەئیسی نرخی نەوت گۆڕانکاری بەسەردا هات

964+

توانا نەقی

ئەمڕۆ دووشەممە، لەگەڵ کردنەوەى بازاڕى جیهانی نرخى نەوت لە چاو دوێنێ گۆڕانکاری بەسەردا هاتووە و پێدەچێت مردنی سەرۆککۆماری ئێران کاریگەری هەبووێت کەسەر ئەو گۆڕانکاریانە.

بەپێى داتاکانى بازاڕى جیهانى، بۆ ئەمڕۆ نرخى یەک بەرمیل نەوتى خاوى برێنت بە 84 دۆلار و 10 سەنت مامەڵەی پێوە دەکرێت و نرخەکەی بەرێژەی 0.12% بەرزبوونەوەی بەخۆیەوە بینیوە.

هاوکات، نرخى یەک بەرمیل نەوتی خاوی تەکساسی ئەمریکا گەیشتووەتە 80 دۆلار 5 سەنت، لە چاو دوێنێ کاتی داخستنی بازاڕەکان بە رێژەی 0.01% دابەزیوە.

ئەو بەرزبوونەوەیە دواى ئەوە دێت، لە یەک هەفتەى بازاڕى نەوتدا، نرخى برێنت بە رێژەى 1% و تەکساسیش بە رێژەى 2%، بەرزبوونەوەى بەخۆیەوە بینیوە.

بەرز بوونەوەى سودى بانکى بەتایبەت لە ئەمەریکا کە بووەتە هۆى کەمبوونەوەى خواست لەسەر نەوت، یەکێکە لە هۆکارەکانى دابەزینى نرخى نەوت لە چەند رۆژی رابردوودا.

رێکخراوی ئۆپیک پڵەس رایگەیاند، بەردەوام دەبن لەسەر کەمکردنەوەی ئاستی بەرهەمهێنان و هەناردەکردنی نەوت بۆ بازاڕەکانی جیهان و لە ئێستاشدا خواستی بازاڕەکان بۆ نەوت تا سەرەتای مانگی حوزەیرانی ئەمساڵ بە پارێزراوی ماوەتەوە.