له‌ هه‌ولێر ئاڵوگۆڕى به‌ سێ بەڕێوەبەری شارەوانی كرا

فه‌رهاد حه‌سه‌ن

لە هەولێر سێ بەڕێوەبەرى شارەوانى ئاڵوگۆڕیان پێکرا، وەزارەتى شارەوانیش دەڵێت، بۆ زیاتر خزمەتکردنى شارەکەیە.

گۆڕانكارییه‌كان له‌ هه‌ر سێ بەڕێوەبەرایه‌تى شارەوانى یەک، دوو و شەش كراوه‌ .

به‌پێی بڕیارى ئاڵۆگۆڕه‌كه،‌ كه‌ وه‌زاره‌تى شاره‌وانى بڵاویكردووه‌ته‌وه‌، تریفە نه‌جات عەساف، له‌ بەڕێوەبەری شارەوانی یەک نه‌ما و كرایه‌ بەڕێوەبەری شارەوانی شەش، عه‌بدوڵا شەمسەدین عه‌بدوڵا له‌ بەڕێوەبەری شارەوانی شەش نه‌ما و كرایه‌ بەڕێوەبەرای شارەوانی دوو، هەروەها ئارام رەسوڵ محه‌مه‌دیش له‌ بەڕێوەبەری شارەوانی دوو نه‌ما و لە بەڕێوەبەرایەتی شارەوانی یەک، دەستبەکار بوو.