وەزارەتى تەندروستى دایخست
سەنتەرێکى جوانکارى بە تامى باندێکى مافیایى
964+
عادل کانەبی
ریکلامى سەنتەرێکى جوانکارى لە میسر، وەزارەتى تەندروستى هێنایە دەنگ و دایخست.
ریکلامەکە لە شێوەى باندێکى مافیایى یان دیمەنى فیلمێکى ئاکشندا تۆمارکراوە و وەک باندێکى مەترسیدار دەرکەوتوون، هەر بۆیە ئەمە دەنگدانەوەیەکى زۆرى لە سۆشیالمیدیاى میسرى لێکەوتەوە تا وەزارەتى تەندروستى ئەو وڵاتەیان هێنایە قسە.
دواى لێکۆڵینەوەکان، وەزارەتى تەندروستى بۆى دەرکەوت سەنتەرەکە بێمۆڵەتە و خاوەنەکەشى هیچ لە ئیشەکە نازانێت و خۆى کردووە بە پزیشکى جوانکارى، لەبەر ئەم هۆکارانە بە بڕیارى دادگا سەنتەرەکە داخرا و ئەوانەشى کاریان تێدەدەکرد رووبەڕووى دادگا کرانەوە.
