کۆبوونەوەی پیسی لەناو دارستانەکە - وێنە: فەرمانگەی ژینگەی سۆران
لەمەودوا چی دەکرێت؟
هۆشداری لە پیسبوونی دارستانەکانی بەردەم خەرەندی رەواندز دەدرێت
964+
پێشەوا محەمەد
فەرمانگەی ژینگەی سۆران هۆشداری لە پیسبوونی دارستانەکانی بەردەم خەرەندی رەواندز دەدات و رایدەگەیەنێت، پێویستە ئەو دارستانانە بپارێزرێن.
فەرمانگەی ژینگەی سۆران بە هاوکاریی ژمارەیەک خوێندکاری زانکۆ چوونەتە ناو دارستانەکان و شوێنەکەیان پاککردووەتەوە.
هەژار ماهیر، بەڕێوەبەری فەرمانگەی ژینگەی سۆران بە 964ـی رایگەیاند، ئەو دارستانانە روویەکی زۆر سروشتی و جوانیان بەو ناوچانە بەخشیوە و ناکرێت بەو شێوەیە پیس بکرێن.
وتیشی، “لەگەڵ شارەوانی بەنیازین رۆژانی گەشت چەند کەسێک دابندرێن عەلاگەی خۆڵ بدەن بە گەشتیاران و ئێوارانیش سەیری ئۆتۆمبێلەکان بکەن بزانن گەشتیارەکان خۆڵی خۆیان فڕێدەدەن یاخود نا”.
پیسکردنی ناوچە گەشتیارییەکان کێشەی هەموو شار و شارۆچکەکانە و بەردەوامیش هۆشداری لەبارەی پاکڕاگرتنیانەوە دەدرێت.
“پیسبوونی ژینگە مەترسیدارە و پێویستە هەمووان بە خەمییەوە بین و مەترسی لەسەر داهاتوومان دروست نەکەین”، هەژار ماهیر وای وت.
