لە مەریوان
کوڕێک باوک و دایکی و خوشکێکی خۆی کوشت
964+
پێشەوا محەمەد
لە شاری مەریوانی رۆژهەڵاتی کوردستان کوڕێک دایک و باوک و خوشکێکی خۆی کوشتووە و رێکخراوی هەنگاو دەڵێت، هۆکاری رووداوەکە کۆمەڵایەتی بووە.
بەپێی زانیارییەکانی رێکخراوەکە، کە چاودێریی رەوشی مافی مرۆڤی رۆژهەڵاتی کوردستان دەکات، کوڕەکە قوتابیی قۆناغی 12ـیە و باوکی تەمەنی 43 ساڵ بووە و دایکی 38 ساڵ و خوشکەکەشی 12 ساڵ بووە.
ئاماژە بەوەش دراوە، کوڕەکە تاوانەکەی بە چەکی باوکی ئەنجام داوە، کە ئەندامی سوپای پاسداران بووە.
زانیارییەکانی هەنگاو ئاشکرای دەکەن، رووداوەکە رۆژی سێشەممە 7.5.2024 روویداوە و درەنگانی دوێنێ شەو زانیارییەکە بڵاوبووەتەوە.
“دوای رووداوەکە ئەو کوڕە لە لایەن پۆلیسەوە دەستگیر کراوە و دانی بە تاوانەکەیدا ناوە و هۆکارەکەشی بۆ ناکۆکیی خێزانی و کێشەی کۆمەڵایەتی گەڕاندووەتەوە”، راگەیەندراوەکەی رێکخراوی هەنگاو وادەڵێت.
درەنگانی دوێنێ شەویش لە گەڕەکێکی شاری بەسڕە باوکێک 12 کەسی خێزانەکەی دەکوژێت و دواتر خۆشی دەکوژێت، رووداوەکە هەژانێکی گەورەی کۆمەڵایەتیی لە ئاستی عێراق دروستکردووە.
