بەهۆی مێردمنداڵەوە کافتریایەک داخرا

توانا نەقی

به‌هۆی هه‌بوونی مێردمنداڵ له ‌شوێنه‌كه‌ی، لیژنه‌ هاوبه‌شه‌كانی قائیمقامیه‌تی سلێمانی کافتریایەکیان له‌ گه‌ڕه‌كی به‌رانان داخست.

ئەمڕۆ سێشەممە قایمقامیەتی سلێمانی بڵاویکردەوە، کافتریای مێلا مێردمندال سەردانی کردووە و کە بەپێی یاسا قەدەغەیە و هەروەها یەکێکی دیکە لە سەرپێچییەکانی نەبوونی مۆڵەتی یاسایی بووە.

ئاماژەی بەوەشکردووە، بەپێی رێنماییەکانی کارکردن، نابێت دوكان و ماركێته‌كان جگه‌ره‌ی ئه‌لیكترۆنی به‌ مێردمنداڵ بفرۆشن، هه‌روه‌ها هۆڵه‌كانی بلیارد، گازینۆ، كافتریا و شوێنی نێرگه‌له‌ كێشان، باڕ و دوكانه‌كانی فرۆشتنی خواردنه‌وه‌ كحولیه‌كان رێگری لە منداڵی نەوجەوان و ته‌مه‌ن خوار (18) ساڵ بکه‌ن بۆ شوێنەکانیان نێرگه‌له‌ و خواردنه‌وه‌ كحولییه‌كانیان پێنه‌فرۆشن بەپێچەوانەوە رووبەڕووی رێکارە یاساییەکان دەکرێنەوە.

ئەو کافتریایە یەکێکە لە و شوێنانەی کە لە تۆڕی کۆمەڵایەتی تیکتۆک ریکلامێکی زۆری بۆ دەکرا و ئاماژەیان بەوە دەکرد کە خوار تەمەن 18 ساڵ سەردانیان نەکەن.