تەنیا لە مانگی رابردوودا 77 کەس لە ئێران لە سێدارە دراون

964+

توانا نەقی

تەنیا لە مانگی رابردوو واتە مانگی نیسان 77 بەندکراو لە ئێران لە سێدارە دراون و ئامارەکانیش لەچاو مانگی ئازاردا لە 328% زیادی کردووە.

ئەمڕۆ هەینی رێکخراوی مافی مرۆڤی هەنگاو بڵاویکردەوە، ئەو 77 کەسە بەندکراو بوون لە بەندیخانەکانی ئێران و لە مانگی سێدا 18 تەنیا کەس لە سێدارە درابوون.

دەشڵێت، ئەوانەی لە سێدارە دراون خەڵکی ئەم ناوچانە بوون، 18 بەندکراوی بەلووچ، 10 بەندکراوی کورد، 7 بەندکراوی تورک و 11 بەندکراوی خەڵکی ئەفغانستان لە بەندیخانەکانی کۆماری ئیسلامی ئێراندا جێبەجێ کراوە.

ئاماژەی بەوەشکردووە، لە سێدارە دراوەکان بە تۆمەتی هەریەک لە مەزهەبی 1 حاڵەت، کوشتنی بە ئەنقەست 25 حاڵەت، پەیوەندیدار بە مادەی هۆشبەر 50 حاڵەت و دەستدرێژی سێکسی 1 حەڵەت، لە سێدارە دراون.

لە ئاماری رێکخراوەکەدا ئەوەش هاتووە، کە تەنیا چوار حاڵەتی لە سێدارەدان کە دەکاتە 5% لە سەرچاوە فەرمیەکانی ئێران و ماڵپەری دەزگای دادوەرییەوە بڵاو کراوەتەوە.

دوو بەندکراو لە سێدارە دران