ئاسایشی سلێمانی دەستیگرت بەسەر زیاتر لە 50 تۆن خۆراکدا

ژووری هەواڵ

بەشی ئابووری ئاسایشی سلێمانی لەنێو ژمارەیەک دووکاندا دەستیگرت بەسەر زیاتر لە 50 تۆن خۆراکدا کە بەسەرچووە و دووبارە خراونەتە نێو فەردە بەمەبەستی ساخکردنەوە.

زۆربەی خواردنەکە برنجە و بەشەکەی دیکەی پێکهاتووە لە نیسک، رۆن و چەند مەوادێکی دیکەی خواردنن.

ئەمڕۆ دووشەممە 29.4.2024، عەقید سەلام عەبدولخالق، وتەبێژی دەزگای ئاسایشی هەرێم بە 964ـی راگەیاند، چوار کەس لەسەر ئەو ساختەکارییە دەستگیر کراون و یەکێکیان تۆمەتباری سەرەکییە.

هەر لە شوێنی ساختەکارییەکە، دەستگیراوە بەسەر کیس و فەردەی نوێ کە بەکارهێنراون بۆ نوێکردنەوەی خواردنەکان و بەرواری نوێیان لەسەر بووە.

بەگوێرەی زانیارییەکان، خاوەنی ئەو خواردنانە پێشینەی کاری هاوشێوەی هەیە و چەند جارێک لەسەر هەمان تۆمەت براوەتە دادگا.