دەروازەی ئیبراهیم خەلیل. فۆتۆ: 964
ناوی ئۆڤاکۆیە
تورکیا دەروازەیەکی نوێ لەگەڵ عێراق دەکاتەوە
964+
پێشەوا محەمەد
تورکیا بە نیازە دوای ئیبراهیم خەلیل، دووەم دەروازەی سنووریی خۆی لەگەڵ عێراق بکاتەوە.
وەک ئەوەی میدیای تورکیا بڵاویکردووەتەوە، دەروازەکە بەناوی “ئۆڤاکۆی”ـیەوە دەبێت و دەبێتە دەروازەیەکی ستراتیژی و تورکیا بە بەسڕە و پاشان بە کەنداوی عەرەبییەوە دەبەستێتەوە.
رۆژنامەی سەباحی تورکی بڵاوی کردووەتەوە، ئەو دەروازەیە دەبێت رێگایەکی خێرای بازرگانی، بە شێوەیەک لە ماوەی دوو رۆژدا کۆنتێنەرە بازرگانییەکان دەگەنە تورکیا و بە پێچەوانەشەوە.
ئۆڤاکۆی دەکەوێتە سنووری شارۆچکەی سلۆپیی سەر بە پارێزگای شرنەخی باکووری کوردستانەوە و نزیکەی 20 کیلۆمەتر لە رۆژئاوای دەروازەی ئیبراهیم خەلیلەوە دوورە.
پێشبینی دەکرێت بە کردنەوەی دەروازەکە قەرەباڵغی و جموجۆڵی بازرگانی لەسەر دەروازەی ئیبراهیم خەلیل کەم ببێتەوە.
ئاڵوگۆڕی بازرگانیی نێوان تورکیا و عێراق زیاتر لە 20 ملیار دۆلارە و کردنەوەی ئەو دەروازەیە رێژەکە زیاتر دەکات.
