ئۆتۆمبێلە نوێیەکەی کۆمپانیای شیاومی چینی. وێنە:کونسوڵخانەی چین لە هەولێر.
کونسوڵخانەی چین رایگەیاند
کۆمپانیای شیاومی چینی بە 76 چرکە دەتوانێت ئۆتۆمبێلێکی کارەبایی دروست بکات
964+
فەهمی نەبی
بەگوێرەی هەواڵێکی کونسوڵخانەی چین لە هەولێر بێت، کۆمپانیای شیاومی چینی یەکەم ئۆتۆمبێلی وزەی نوێی NEV لەجۆری SU7ی نمایشکردووە کە بەرهەمی دروستکراوی ناوخۆی چینە و کۆمپانیاکە بە 76 چرکە دەتوانێت ئۆتۆمبێلێکی لەم جۆرە دروست بکات.
ئەو خێراییە لە دروستکردن لەلایەن کونسوڵخانە چین وەک “بەرزترین توانا” ناسێندراوە.
کۆمپانیای شیاومی سێ جۆری لەم ئۆتۆمبێلە بەرهەمهێناوە ئەوانیش SU7، SU7 Pro، SU7 Max نرخیان لەسەرووی 30 هەزار دۆلارە.
داتاکانی کۆمەڵەی بەرهەمهێنەرانی ئۆتۆمبێلی چین دەریدەخەن، لە دوومانگی یەکەمدا یەک ملیۆن و 25 هەزار دانەی لێ فرۆشراوە و کە ئەمەش بەڕێژەی %29.4 بەتێکڕای ساڵانە بەرزبووەتەوە.
