لە ئیدارەی راپەڕین
کار لەسەر بەرهەمهێنان و بەبازاڕکردنی هاوچەرخی بەرهەمی ئاژەڵداران دەکرێت
964+
فەرهاد حەسەن
کشتوکاڵی ئیدارەی راپەڕین لەگەڵ تیمێکی هونەری رێکخراوی فاو چەند ئاژەڵدارێکیان بەسەر کردەوە، بەمەبەستی پێزانین بە شێوازی بەرهەمهێنان و بەبازاڕکردنی بەرهەمە شیرەمەنییەکان و گۆڕینی بۆ شێوازێکی هاوچەرخ بۆ ئەم مەبەستەش ئامادەکاریان کردووە بۆئەوەی پلانەکەیان لەچەند ناوچەیەک دەستپێبکەن.
بەڕێوەبەرایەتی گشتی کشتوکاڵی ڕاپەڕین بڵاویکردەوە، ئەمڕۆ سێشەممە لەگەڵ ئەو تیمە هونەریە گفتوگۆیان لەسەر ئەو پلان و بەرنامەیە کردووە بۆ چۆنیەتی بەرهەم هێنانی شیر و بەرهەمەکانی بەخێوکەرانی ئاژەڵ و گوندنشینان، تاکو بزانن ئاژەڵداری لە سنوری ئیدارەی سەربەخۆی راپەڕین لەچ ئاستێکدایە.
هەردوولا وەك ئامادەکاری دەکەن بۆ ئەو بەرنامەیەی کە بڕیارە لەچەند ناوچەیەك جێبەجێ بکرێت و سودی بۆ ئاژەڵداران هەبێت.
پلان و بەرنامەکەیان وەکو باسی کردووە، بریتییە گۆڕینی شێوازی کۆنی بەرهەمهێنان و دروستکردن، بۆ شێوازێکی زانستی و هاوچەرخ بە کوالێتی بەرز و تەندروست.
کشتوکاڵ دەڵێت، بۆ ئەم مەبەستە سەردانی مەیدانیان بۆ چەند شوێنێک ئەنجامدا و لەنزیکەوە گفتوگۆیان لەگەڵدا کردوون.
