"بۆ شێواندنى بازاڕە"
حوسێن عەلاوى راوێژکارى سەرۆک وەزیرانى عێراق: ئەمریکا ناردنى دۆلارى بۆ عێراق رانەگرتووە
964+
وریا فەتاح
حسێن عەلاوی، راوێژکاری سەرۆک وەزیران، ئەو هەواڵانەی رەتکردەوە کە باس لە راگرتنی ناردنی دۆلار لە ئەمریکاوە بۆ عێراق دەکەن تا کاتی پێکهێنانی حکومەتی نوێ، و دەڵێت: ئەو هەواڵانە نادروستن.
عەلاوی جەختی لەوە کردەوە کە پەیوەندییە دارایی و ئەمنییەکان لەگەڵ واشنتن بەبێ پچڕان بەردەوامن، ئاماژەی بەوە شکرد کە پارەی دۆلار مافێکی سەروەریی عێراقە و بە بڕیارێکی سەرۆک ترەمپ پارێزراوە.
عەلاوی هۆشداری دا لە بڵاوکردنەوەی ئەم جۆرە “دەنگۆ داراییانە” کە ئامانجی سەرەکییان تێکدانی سەقامگیری بازاڕی ناوخۆ و کاریگەری نەرێنییە لەسەر دۆخی ئابووری گشتی وڵات.
ئەوە لە کاتێکدایە چەند پێگە و میدیایەک بڵاویانکردەوە کە ویلایەتە یەکگرتووەکانی ئەمریکا ناردنی دۆلاری بۆ عێراق راگرتووە و دەستپێکردنەوەی بە پێکهێنانی حکومەتی نوێوە بەستووەتەوە.
“کێشەی دۆلار پەیوەندی بە پارەی سەروەریی عێراقەوە هەیە کە هی گەلە، و بە بڕیاری سەرۆک ترەمپ و سەرۆکەکانی پێشووی ئەمریکا پارێزراوە؛ ئەم دەنگۆیانە تەنیا بۆ کاریگەری دروستکردنە لەسەر بازاڕی ناوخۆ و زیانگەیاندن بە ئابووری عێراق.” حوسێن عەلاوى واى وت.
