دادگاى بەرایى رانیە
بەهۆی وەرنەگرتنی موچەکانیان
بایکۆت فەرمانگەکانى ئیدارەى راپەڕینى گرتەوە
964+
ژێوار خدر- رانیە
بەهۆى دواکەوتنى مووچەکانیان، بەشێکى زۆر لە فەرمانگە و بەڕێوەبەرایەتییەکانى سنورى ئیدارەى راپەڕین بایکۆتى دەوامیان کرد.
بەشێکى زۆر لە فەرمانبەرانى سنوورى ئیدارەى راپەڕین، هەفتەى دوو رۆژ دەوام دەکەن.
964 زانیویەتى، هەریەک لە بەڕێوەبەرایەتی گشتی کارەبای راپەڕین و بەڕێوەبەرایەتی خانوبەرەی راپەڕین و خوێندکارانی زانکۆی راپەڕین، بایکۆتى دەوامیان کردووە.
هاوکات نەخۆشخانە و مەڵبەندە تەندروستییەکانی سنوری ئیدارەی راپەڕین و دادگاکانی رانیە و پشدەر و حاجیاوا بایکۆتیان راگەیاندووە.
جگە لە ئیدارەى راپەڕین، بەشێک لە فەرمانگە و بەڕێوەبەرایەتییەکانى سلێمانى و گەرمیان و کۆیەش بایکۆتیان کرد.
ئەوەش لە کاتێکدایە، ئەمڕۆ 52 رۆژ بەسەر راگەیاندنى لیستى مووچەى مانگى یەکى 2024 تێدەپەڕێت و لەو کاتە بەدواوە موچەى فەرمانبەرانى هەرێم دابەشنەکراوە.
پێداچوونەوە: وریا فەتاح