سەر بە بەغدادن
وانەبێژانى خۆبەخش لە کەرکوک داواى دامەزراندن دەکەن
964+
کاروان ساڵحى- کەرکوک
وانەبێژانى خۆبەخشى کەرکوک، لەبەردەم بیناى پارێزگا دەستیان بە خۆپیشاندان کرد و داواى دەکەن هاوشێوەى دەرچوانى پارێزگاکانى دیکە دابمەزرێن.
وانەبێژان و خۆبەخشانى کەرکوک ژمارەیان 850 کەسە، چەندین جارە گردبوونەوە ئەنجام دەدەن، یەکێک لە وانەبێژان قسەى بۆ 964 کردووە و دەڵێت: چەند ساڵە بە گیرفانى خۆمان لە ناوەندەکانى خوێندن وانە دەڵێینەوە و یەک دینار وەرناگرین، بۆیە چیتر مافى خۆمانە دامان بمەزرێنن.
باسى لەوەشکرد، پێویستە هاوشێوەى دەرچوانى پارێزگاکانى دیکە بەپێى بڕیارى ژمارە 315ـى ئەنجومەنى وەزیرانى عێراق دایانبمەزرێنن.
داڕشتنەوە: وریا فەتاح