گڕگرتنی مۆلیدەکەی زەری لاند - فۆتۆ +964
مۆلیدەکەی زەری لاند گڕی گرت
+964
هیڤی دێوالی – دهۆک
مۆلیدەکەی زەری لاند گڕی گرت و بەهۆیەوە پێنج ئۆتۆمبێل سووتا.
کەمێک پێش ئێستا، بەهۆی بەتاڵکردنی گازوایل بۆ مۆلیدەکەی پڕۆژەی نیشتەجێی شوقەکانی زەری لاند لە دهۆک، مۆلیدەی کارەبای پڕۆژەکە گڕی گرت.
پەیامنێری +964 لە شوێنی رووداوەکە بووە، دەڵێ: بەهۆی سووتانی مۆلیدەکە پێنج ئۆتۆمبێل سووتان، بەڵام زیانی گیانی نەبووە.
هەر زوو تیمەکانی ئاگرکوژێنەوەی دهۆک گەیشتنە شوقەکانی زەری لاند و کۆنتڕۆڵی ئاگرەکەیان کرد.
بێوار عەبدولعەزیز، وتەبێژی ئاگرکوژێنەوەی دهۆک بە +964ـی وت “جگە لەو پێنج ئۆتۆمبێلەی هاوڵاتیان کە نزیک شوێنی ئاگرەکە بوون، تانکەری گازوایلەکەش گڕی گرتووە، هەروەها مۆلیدەکەش سووتاوە، بەڵام خۆشبەختانە زیانی گیانی نەبووە”.