کارمەندێکی سەنتەرەکە لە کاتی ئەرکەکەیدا - وێنە: تەندروستیی سلێمانی
بەڵام سەنتەری ژیانەوە قەرەباڵغە
مانگی رابردوو لە سەنتەری مەمک یەک حاڵەتی شێرپەنجە هەبووە
964+
پێشەوا محەمەد
مانگی رابردوو 742 نەخۆش سەردانی کلینیکی مەمکیان کردووە لە سلێمانی و لەو رێژەیە یەک حاڵەتی شێرپەنجەی مەمک دیاریکراوە، ئەوە ئاماری تەندروستی سلێمانییە.
ئامارەکە لە 1 تا 29.2.2023 بووە، لەو رێژەیە سەردانی نەخۆشخانەکەیان کردووە، 291 نەخۆشیان نوێ بوون، ئەوانەی دیکە پێشتر تۆمار کراون و سەردانیان هەبووە.
لەو 742 نەخۆشە، 179 حاڵەت بەهۆی بوونی ئازار و 39 نەخۆش بەهۆی بوونی گرێ سەردانی نەخۆشخانەکەیان کردووە.
هەروەها دوو مامۆگرافی و 229 سۆنەریش ئەنجام دراوە.
هەر بەپێی ئاماری بەڕێوەبەرایەتیی تەندروستیی سلێمانی، مانگی رابردوو 202 نەخۆشی نوێ لە سەنتەری ژیانەوە بۆ چارەسەری شێرپەنجە بە تیشك تۆمار كراون.
