دیمەنی شاری کەرکوک _ وێنە: 964
لە کەرکوک
چوار برا بەر چەقۆ دران
964+
کاروان ساڵحی -کەرکوک
درنگانێکی شەوی رابردوو لەگەڕەکی شۆڕجە – رەشیداوە چەند گەنجێکی هاوڕێ و هاوتەمەنی یەکتر دەبێتە شەڕیان، بە هۆیەوە چوار برا بەچەقۆ بریندار دەکرێن.
سەرچاوەیک لە بنکەی پۆلیسی ئازادی بە 964ـی وت، ئەو گەنجانە چەند کەسێکیان تیادا بووە سەرخۆش بون و بەهۆی سوعبەتکردنەوە دەبێتە شەڕیان و پەلاماری چوار برا دەدەن لە هاوڕێکانی خۆیان و بە چەقۆ برینداریان دەکەن و پاشان سەرجەمیان رەوانەی نەخۆشخانەی ئازادی کراون،
وتیشی، چەند کەسێکیش لە شەڕکەرەکان دەستگیرکراون.
موفەق عەلی کارمەندی تەندروستی لە نەخۆشخانەی ئازادی بە 964ـی وت، درەنگانێکی شەو بریندارەکان گەیشتنە نەخۆشخانە و چارەسەری پێویستیان بۆ کرا و سێ لە بریندارەکان نەخۆشخانەیان جێهێشتوە، ئەوەی دیکە بڕیارە ئەمڕۆ هەینی نەخۆشخانە بەجێبهێڵێت.
پێداچوونەوە: توانا نەقی
