سێشه‌ممه‌ی داهاتوو چاوه‌ڕێ بن
خۆرگیرانی نیمچەیی لە هەرێمی كوردستاندا روودەدات
میدیازان – كوردستان ئەحمەد – هەولێر
رۆژی سێشەممە كاتژمێر ده‌وروبه‌ری كاتژمێر یه‌كی نیوه‌ڕۆ بەكاتی هەولێر خۆرگیرانی نیمچەی لە كوردستان روودەدات و لە ئاسمانی چەند شارێك دەبینرێت.
وەزارەتی گواستنەوە و گەیاندنی حكومه‌تی هه‌رێمی كوردستان له‌سه‌ر په‌یجه‌كه‌یان له‌فه‌یسبووك بڵاویكردووه‌ته‌وه خۆر گیرانەكە لەكاتژمێر 12:59 ی دوای نێوەڕۆ بەكاتی هەولێر دەستپێدەكات‌و لەو كاتە مانگ لە باكووری دەستەڕاستەوە دەگاتە دیسكی خۆرو دیاردەكە دەستپێدەكات و لەكاتژمێر 02:17 ی دوای نیوەڕۆ بەرزترین ئاستی خۆرگیرانی نیمچەیی تۆماردەكرێت و مانگ نزیكەی %51ی دیسكی خۆر دادەپۆشێ، پاشان وردە وردە دوور دەكەوێتەوەو لەكاتژمێر 03:30 ی دوای نیوەڕۆ دیاردەی خۆرگیرانی نیمچەیی لە هەرێمی كوردستاندا بەتەواوی كۆتایی پێدێت