دەیانویست زەیت رەنگ بکەن و بە زەیتی زەیتون بیفرۆشنەوە

فەهمی نەبی

ئەمڕۆ پێنجشەممە تيمەكانی بەدواداچوون بۆ خۆراكی ماوەبەسەرچووی ئاسایشی هەولێر دەستیگرتووە بەسەر کۆگایەک کە تیایدا زەیتی ئاساییان بە رەنگی سەوز گۆڕیوە و وەک زەیتی زەیتونیان لێ کردووە و ئامادەیان کردووە بۆ فرۆشتن.

ئەو کۆگایەی ئاسایش دەستیبەسەر داگرتووە، پڕ بووە لە تەنەکەی تایبەت و ئامادەکراو کە لۆگۆی ساختەی پێوە کرابوو، گوایە زەیتی زەیتونی سروشتییە و نیازیان وابووە بە نرخێکی گران لەبازاڕ بیفرۆشنەوە، هاوکات کارگەکە مۆڵەتی نەبووە.

ئاسایشی هەولێر دەڵێت، رێکاری یاسایی بەرامبەر هەموو ئەوانە دەگیرێتەبەر کە لەو کارگەیە کاریان کردووە.