964+
رووداوێکی هاتوچۆ 10 برینداری لێکەوتەوە
964+
هۆگر عەدنان – چەمچەماڵ
لەسەر رێگەی قەزای بازیان لە نزیک سلێمانی، رووداوێکی هاتوچۆ روویداوە لەنێوان پاسێک و بارهەڵگرێکی چیمەنتۆ، لە ئەنجامدا 10 سەرنشینی پاسەکە برینداربوون.
رووداوەکە دەوروبەری کاتژمێڕ 2:00ی پاش نیوەڕۆی ئەمڕۆ یەکشەممە روویداوە.
964+ دەزانێت رووداوەکە بە دیاریکراوی لەسەر رێگەی بازیان، لە نزیک شارۆچکەی کۆپاڵە لە چوارڕیانی چەمی رێزان روویداوە .
بەڵێن کەریم، وتەبێژی هاتوچۆی بازیان بە 964+ی وت، سەرنشینەکان بە سووکی برینداربوون و زیانی گیانی زۆریان بەرنەکەوتووە.
دکتۆر ئیسماعیل ئەمین، وتەبێژی تەندروستی بازیان بۆ 964+ی باسکرد، کە تەنیا دووان لە بریندارەکان گەیەندراونەتە نەخۆشخانە، ئەوانی دیکە تەنیا لە رووی دەروونیەوە شڵەژاون، یان رەنگە کەمێک کوترابن.
هەردوو بریندارەکە ژن بوون و تەمەنیان 25 و 30 ساڵان بووە، بۆ چارەسەر رەوانەی سلێمانی کراون، بە قسەی دکتۆر ئیسماعیل.