جێبەجێکارێکی لەسێدارەدان لە تارانی پایتەختی ئێران لە ماوەکانی رابردوو
23یان کوردن
هەر رۆژێک دوو کەس لە ئێران لە سێدارە دراون
964+
پێشەوا محەمەد
لە ماوەی 17 رۆژی رابردوودا 33 هاوڵاتی لە ئێران لەسێدارە دراون و رێکخراوی هەنگاو دەڵێت، 23یان کوردبوون.
ئەمڕۆ و دووێنێ دوو هاوڵاتی لە بەندیخانەکانی ئیلام و کرماشان لەسێدارە دراون.
رێکخراوی هەنگاو کە چاودێریی رەوشی مافی مرۆڤی رۆژهەڵاتی کوردستان دەکات، لە بەیاننامەیەکدا رایگەیاندووە، زۆرینەی بەندکراوەکان تۆمەتەکانیان مادەی هۆشبەر، کوشتن و ئاژاوەگێڕی بووە دژی دەسەڵاتی ئێران.
هەر بە پێی ئاماری رێکخراوەکە، ساڵی 2023 زیاتر لە 600 هاوڵاتی لە ئێران لەسێدارە دراون، لەو رێژەیە 95 هاوڵاتیان کورد بوون.
لە ئێران زۆرترین لەسێدارەدان لە زیندانەکانی ئەلبۆرز، کرماشان و پارێزگای مەرکەزی بووە.
لە کاتێکدا وڵاتانی ئەوروپا و ئەمریکا دژی لەسێدارەدانەکانی ئێران وەستاونەتەوە و بە پێشلێکاریی دژی مافەکانی مرۆڤی دەزانن، بەڵام هێشتا ئەو وڵاتە ئامادە نییە لەسێدارەدان لە وڵاتەکەیدا کۆتایی پێبهێنێت.
