ئیدی پێویست بە راکێشانی وایەر ناکات “ئوجرەی شەحن” بۆ تاکسی گەیشتە بازاڕ

وریا فەتاح

بۆ شۆفێرانی تاکسی، داهێنانێکی نوێ لە بازاڕەکانی جوانکاری ئۆتۆمبێلدا پەیدا بووە، کە شۆفێران لە کێشەی بڕین و راکێشانی وایەری کارەبا رزگار دەکات و نرخەکەشی گونجاوە.

رەنجدەر بەکر، خاوەنی دوکانی جوانکاری ئۆتۆمبێل بە 964ـى راگەیاند، ئەم جۆرە نوێیەی نیشانەی تاکسی (ئوجرە) بەبێ وایەر و تەنیا بە شەحن کار دەکات. بە یەک جار شەحنکردنەوە، 6 بۆ 8 کاتژمێر بەردەوام دادەگیرسێت و بەهۆی هەبوونی موگناتیسێکی بەهێزەوە، بە توندی بە سەقفی ئۆتۆمبێلەکەوە دەنووسێت.

یەکێک لە سوودە سەرەکییەکانی ئەم ئوجرەیە ئەوەیە کە بۆ ئۆتۆمبێلە “کارەبایی و هایبرێدەکان” زۆر گونجاوە، چونکە پێویستی بە دەستکاریکردنی وایەری بەگلایت و سیستەمی کارەبای سەیارەکە نییە، بەمەش شۆفێر لە گرفتە تەکنیکییەکان و “شۆرت” پارێزراو دەبێت.
پێداچوونەوە: وریا فەتاح