هەدەپە- سۆشیاڵ میدیا
دەیانەوێت بودجەی هەدەپە ببڕن
+964
كوردستان ئەحمەد- هەولێر
لەسەر سکاڵایەکی داواکاری گشتی، دادگای باڵای توركیا بەنیازە هاوكارییە داراییەكانی گەنجینەی هەدەپە ببڕێت.
داواکاری گشتی تورکیا، لە 15ـی کانونی یەکەمی 2022 تۆمەتی ئەوەی داوەتە پاڵ هەدەپە کە یاسا و دەستووری تورکیای پێشێل کردووە، لەسەر ئەمەش لە دادگا سکاڵای لە دژی تۆمار کردووە.
بڕیارە دادگای باڵای تورکیا لە چوار تا 14ـی ئەم مانگە، چاو بە دۆسیەی سکاڵای داواکاری بخشێنێت و بڕیاری کۆتایی لەسەر بدات.
بهكر شاهینی، سهرۆكی دادگای باڵای توركیا لەبارەی سکاڵایەکە قسەی بۆ میدیاکانی وڵاتەکەی کردووەو دەڵێت ” پێویستە لە ماوەی 10 رۆژدا سەرجەم هاوكارییە داراییەكانی هەدەپە ببڕدڕێ، لەبەر ئەوەی هەدەپە دەستور و یاساكانی توركیاى پێشێل کردووە”.
له توركیا ههر پارتێك كه بهربهستی ههڵبژاردن تێدهپهڕێنێت و بگاته پهرلهمان، ساڵانه له لایهن گهنجینهی وڵاتەکە هاوكاریی دارایی وهردهگرێت
، هاوكارییهكانی ههدهپه بۆ ساڵی 2023 دەگاته 539 ملیۆن لیرهی توركی كه دهکاته نزیكهی 30 ملیۆن دۆلاری ئەمریکی.
حەسەن ئۆزگەنوش، ئەندامی پەرلەمانی توركیا لەسەر فراكسیۆنی هەدەپە بە +964
ی راگەیاند ”دادگای توركیا دەستەمۆی دەسەڵاتە و بەگوێی ئەردۆغان دەكات، ئەوە مەترسییە لەسەر ئایندەی دیموكراسی توركیا و دەبێت ئەو بڕیارە جێبەجێ نەكرێت.
ئاك پارتی، دەیەوێت گرفت بۆ ئێمە دروستبكات، نایانەوێت كورد لە توركیا رۆڵێكی گرنگی هەبێت و بەدوای مافەكانی خۆیەوە بێت، بۆیە دۆخێكی وەهامان بۆ دروستدەكەن.
پارتی دیموکراتی گەلان )هەدەپە(لە 15 تشرینی یەکەمی 2012 لە ئەنقەرە دامەزراوە، تا ئێستا پێنج كۆنگرەی بەستوە و 67كورسی لە پەرلەمانی توركیادا هەیە.