بەنداوی دوکان. وێنە: 964+
دواین ئاماری ئاستی ئاوی بەنداوەکان
بەهۆی بارانی ئەم دوو رۆژە حاڵی بەنداوەکان چۆنە؟
964+
فەهمی نەبی
لەماوەی 24 کاتژمێری رابردوودا ئاستی ئاوی بەنداوەکان بەرزبووەتەوە تا رادەیەکی زۆر بوژاوەتەوە و بەنداوی دهۆک 48 سانتیمەتر ئاوی زیادکردووە.
رەحمان خانی بەڕێوەبەری گشتی بەنداوەکانی هەرێم بۆ 964 قسەیکردووە دەڵێت، لەماوەی 24 کاتژمێردا بەنداوی دهۆک ئاستێکی باشی گلدانەوەی ئاوی تۆمارکردووە بەجۆرێک لە ماوەی 24 کاتژمێردا 48 سانتیمەتر ئاستی ئاو زیادیکردووە، هاوکات بەنداوی دوکان 8 سانتیمەتر و بەنداوی دەربەندیخانیش 14 سانتیمەتر ئاستی ئاوەکەی زیادیکردووە.
لەماوەی دوو رۆژی رابردوودا شەپۆلێکی باران بارین ناوچەکانی هەرێمی کوردستانی گرتەوە، بەنداوی دینارتە بەڕێژەی ٪100 زیادیکردووە و ئاستی ئاو لە چۆم رووبارەکان بە ئاستێکی بەرچاو بەرزبووەتەوە.
لەهەرێمی کوردستان جگە لە بەنداوی دوکان و دەربەندیخان، 17 بەنداوی دیکە هەن، هاوکات 10 بەنداوی تر لەژێر جێبەجێکردندان، ئەمەش بەپێی ئاماری وەزارەتی کشتوکاڵ.
