964+
توێتا پیکابێکیان دزى بوو
دوو تۆمەتبارى دزینى ئۆتۆمبێل دەستگیرکران
وریا فەتاح
پۆلیسى راپەڕینى دەستگیرکردنى دوو تۆمەتباری راگەیاند کە لە رانیە ئۆتۆمبێلێکیان دزى بوو و لە قەڵادزێ فرۆشتبوویانەوە.
بەپێى ئەو راگەیەنراوەى پۆلیسى راپەڕین بڵاوى کردووەتەوە، دوای ئەوەی هاووڵاتییەک سەردانی بەشی پۆلیسی نەهێشتنی تاوانی راپەڕینی کرد و سکاڵای تۆمارکرد کە ئۆتۆمبێلێکی جۆری توێتا پیکابى لەبەردەم ماڵەکەی لێدزراو، رێکارى یاسایى گیرایەبەر.
دواى گەڕان و کۆکردنەوەى زانیارى، تونرا تۆمەتبار بناسرێت و دەستگیر بکرێت.
پۆلیسى راپەڕین ئەوەشى خستووەتەڕوو، دواى دەستگیرکردنى تۆمەتبار دانینا بەوەی کە ئۆتۆمبێلەکەی لە قەڵادزێ بەهاوکاری کەسێکی تر فرۆشتووە، بۆیە رێکاری زیاتر گیرایەبەر و بەهاوکاری بەشی پۆلیسی فریاکەوتنی رانیە، توانرا کەسی دووەم دەستگیر بکرێت.
باسلەوەشکراوە، هەردوو تۆمەتبارەکە تەمەنیان لەسەرووى 18 ساڵە و لە رەگەزى نێرن، بەگوێرەى مادەى 446 لە یاساى سزادانى عێراقى راگیراون و لێکۆڵینەوە لەگەڵیان بەردەوامە.