“20 رۆژ دەبێت بنکەی هەریر چۆڵکراوە”

ژووری هەواڵ

دوای ئەوەی ئێوارەی ئەمڕۆ هێرشکرایە سەر بنکەی هەریری هێزەکانی هاوپەیمانی دژ بە داعش لە فڕۆکەخانەی هەریر، دژە تیرۆری کوردستان راگەیەندراوێکی بڵاوکردەوە و ئەوە هاتووە، ئەو بنکەیە لە 20.10.2023 لەلایەن هێزەکانی هاوپەیمانان چۆڵکراوە.

لەبارەی هێرشەکەوە دژە تیرۆری کوردستان دەڵێت، هێرشەکە درۆنی بووە و  کاتژمێر 7:15 خولەک بووە، درۆنەکە بۆمبڕێژکراو بووە و بەر کۆگایەکی سووتەمەنی کەوتووە ئاگری گرتووە.

دوای هێرشەکەی سەر فڕۆکەخانەی هەریر، گروپێک کە ناویان لەخۆیان ناوە “مقاوەمەی ئیسلامی لە عێراق” دیمەنی هەڵدانی درۆنەکەیان بڵاوکردەوە و هێرشەکەیان لە ئەستۆگرت.