دیمەنی شەقامێک لە رانیە - وێنە: 964
نەبوونی بودجە کێشەکەیە
ئیدارەی راپەڕین هەوڵەکانی زیادکردنی سەوزایی راگرتووە
964+
پێشەوا محەمەد
بەهۆی نەبوونی بوودجە و گەرەنتینەکردنی سەوزبوونیان ئیدارەی راپەڕین هەموو هەوڵێکی زیادکردنی سەوزایی راگرتووە.
ئیدارەکە بە رێژەی جیاواز سەوزایی هەیە لە 5% بۆ 13%یان هەیە.
ئاوارە عەلی، بەڕێوەبەری گشتی شارەوانییەکانی رانییە بە 964ـی راگەیاند، بەهۆی ئەو بارودۆخە داراییەی تێیکەوتوون کەمتر بیر لە زیادکردنی سەوزایی دەکەنەوە و هەوڵی پاراستنی ئەوە دەدەن کە هەیە.
دەشڵێت، “بە گشتی لە نەخشەی شارەکاندا گرنگی زۆر بە سەوزایی و بەرەوپێشچوونی ژینگەیی دراوە، بەڵام جێبەجێکردنی پێویستی بە بوودجەیە”.
لە چەند ناوچەیەکی جیاوازی ئیدارەی راپەڕین پلانی دروستکردنی دارستانی دەستکرد هەیە.
ئاوارە عەلی لەوبارەیەوە وتی، “هەوڵەکان هەن و لە یەک دوو شوێن کاریان تێدا کراوە و بە تەواوبوونیان رێژەی سەوزایی سنوورەکە زیاد دەکات”.
