محەمەد سەڵاح. فۆتۆ: سۆشیال میدیا
"فخر العرب"
محه‌مه‌د سه‌ڵاح بۆ بێده‌نگه؟
964+
ئه‌رسه‌لان عه‌بدوڵا
له‌وه‌ته‌ی شه‌ڕی بزووتنه‌وه‌ی حه‌ماسی فه‌ڵه‌ستینی و ئیسرائیل ده‌ستیپێكردووه، به‌شێك له یاریزان و ئه‌ستێره ناوداره‌كانی تۆپی پێی عه‌ره‌بی له سۆشیال میدیا، پشتگیری خۆیان بۆ عه‌ره‌ب و بزووتنه‌وه‌ی حه‌ماس دژی ئیسرائیل ده‌ربڕیوه، به‌ڵام ئه‌وه‌ی تا ئێستا لای خه‌ڵكی عه‌ره‌ب و میسرییه‌كان به تایبه‌تی جێی پرسیار و گومانه، بێده‌نگبوونی ئه‌ستێره‌ی ناوداری لیڤه‌رپوول محه‌مه‌د سه‌ڵاحی میسرییه، كه نازناوی “شانازی عه‌ره‌ب – فخر العرب”یان پێداوه.
میدیا و میدیاكارانی عه‌ره‌ب، به تایبه‌تی میسرییه‌كان، هه‌روه‌ها خه‌ڵكیش به شێوه‌یه‌كی توند هێرشیان كردووه‌ته سه‌ر سه‌ڵاح و پرسیاری لێده‌كه‌ن بۆچی بێ ده‌نگ و بێ هه‌ڵوێسته.
سه‌ڵاح پێشتر له زۆر بابه‌تی دیكه‌ی په‌یوه‌ست به عه‌ره‌ب و موسڵمانان هه‌ڵوێستی هه‌بووه و له سۆشیال میدیا كاردانه‌وه‌ی هه‌بووه.
ئه‌و میدیاكارانه‌ی ره‌خنه‌یان له سه‌ڵاح گرتووه، نموونه‌ی چه‌ند ئه‌ستێره‌یه‌كی دیكه‌یان خستووه‌ته‌ڕوو، كه به‌رگرییان له كێشه مرۆڤایه‌تییه‌كان و رووداوه‌كان كردووه، وه‌ك مارادۆنا به‌رامبه‌ر سه‌رمایه‌داری و هه‌ژاران، درۆگبا دژی شه‌ڕی ناوخۆی وڵاته‌كه‌ی، محه‌مه‌د ئه‌بوتریكه به‌رامبه‌ر به ده‌سه‌ڵاتی میسر و به‌رگریكردن له ئیخوان موسلمین و چه‌ند نموونه‌یه‌كی دیكه.
میدیای عه‌ره‌بی كه هه‌میشه به شانوباڵی ئاست و ده‌ستكه‌وته‌كانی سه‌ڵاحدا هه‌ڵده‌ده‌ن و به “ئه‌فسانه” ناوی ده‌به‌ن، ئێستا به‌شێكیان لێی هه‌ڵگه‌ڕاونه‌ته‌وه.
یه‌كێك له‌وانه یوسف حوسێن، پێشكه‌شكاری به‌رنامه‌ی “جۆ شۆ”یه و ده‌ڵێت “سه‌ڵاح پێویستی به فه‌ڵه‌ستینه نه‌ك به پێچه‌وانه‌وه، چونكه هه‌ر توویت و پۆستێك یان وێنه‌یه‌ك كه بۆ پاڵپشتیی غه‌زه بڵاوی بكاته‌وه، شه‌ڕه‌كه ناوه‌ستێنێت، هه‌روه‌ها نازناو و ژماره‌كان، كه به‌ده‌ستی هێناون، نایكه‌ن به ئه‌فسانه، به‌ڵكو ئه‌فسانه له ده‌ره‌وه‌ی یاریگه‌كانه‌وه دروست ده‌بێت.
ئیسرائیل داوا لە خەڵکی سڤیل دەکات غەزە چۆڵ بکەن
له به‌رامبه‌ر ئه‌و بۆچوون و هێرشه زۆرانه بۆ سه‌ر سه‌ڵاح، خه‌ڵكی دیكه هه‌ن به‌رگری لێده‌كه‌ن، ده‌نده‌راوی هه‌واری، سه‌رنووسه‌ری رۆژنامه‌ی “یوم السابع” به‌رگری
لێده‌كات و ده‌ڵێت، سه‌ڵاح خۆ سه‌ركرده‌یه‌كی سه‌ربازی یان سیاسی و دیپلۆماسی نییه بتوانێت شتێك بكات، بۆیه ئه‌و هێرشه هه‌زرانفرۆشانه رابگرن.
كاردانه‌وه‌ی خه‌ڵك به‌رامبه‌ر سه‌ڵاح زۆر تونده و له سۆشیال میدیاش زیانیان پێگه‌یاند، دوێنێ نزیكه‌ی یه‌ك ملیۆن فۆلۆره‌رزش ئانفۆلۆی په‌یجی سه‌ڵاحیان له فه‌یسبوك كرد.
له دواهه‌ڵوێستیشدا خوشكه‌كه سه‌ڵاح، كه ناوی ره‌بابه، به‌رگری له براكه‌ی ده‌كات و پێی ده‌ڵێت، ئاگات له خۆ بێت.
له‌گه‌ڵ هه‌موو ئه‌مانه‌شدا هێشتا محه‌مه‌د سه‌ڵاح بێده‌نگه و نقه‌ی لێوه‌نایه‌ت.
