رۆناڵدۆ له‌ تۆماركردنی ئاماره‌ سه‌رنجڕاكێشه‌كانی به‌رده‌وامه‌

ئه‌رسه‌لان عه‌بدوڵا

کریستیانۆ رۆناڵدۆ، ئەستێرەی پۆرتوگالی توانی ژمارەی پێوانەیی خۆی لە بەشداریکردنی نێودەوڵەتی بەرامبەر سلۆڤاکیا بەرزبکاتەوە، كاتێك شه‌وی رابردوو دوو گۆڵی تۆمار كرد و ژماره‌ی یارییه‌كانی له‌ ئاستی نێوده‌وڵه‌تی گه‌یانده‌ 202.

شه‌وی رابردوو لە یاریگه‌ی دراگاو، لە پاڵاوتنەکانی یۆرۆی 2024، پۆرتوگال و سلۆڤاكیا به‌یه‌ك گه‌یشتن و خاوه‌ن ماڵ به‌ 3-2 گۆڵ یارییه‌كه‌ی برده‌وه‌، به‌مه‌ش پۆرتوگال گه‌یشته‌ كۆتاییه‌كانی یۆرۆی 2024 له‌ ئه‌ڵمانیا.

له‌ یارییه‌كه‌دا رۆناڵدۆ دوو گۆڵی تۆمار كرد و ژماره‌ی گۆڵه‌ نێوده‌وڵه‌تییه‌كانی وه‌ك باشترین گۆڵكاری مێژووی گه‌یانده‌ 125 گۆڵ.

هاوكات رۆناڵدۆ ژماره‌ی یارییه‌ نێوده‌وڵه‌تییه‌كانی گه‌یانده‌ 202 یاری و به‌م بۆنه‌یه‌وه‌ خه‌ڵات كرا.

رۆناڵدۆ تا ئێستا 857 گۆڵی له‌ سه‌رجه‌م خول و پاڵه‌وانیه‌تییه‌كان تۆمار كردووه‌.