رێوشوێنێکی خۆپارێزی بوو

پنتاگۆن: ئێمە درۆنەکەی تورکیامان لە حەسەکە تێکشکاند

964+

هاوبەش ئەبوبەکر

وەزارەتی بەرگریی ئەمریکا بەرپرسیارێتی خستنەخوارەوەی درۆنەکەی تورکیای لە حەسەکەی رۆژئاوای کوردستان لەئەستۆگرت، دەڵێت، رێوشوێنێکی خۆپارێزی بووە.

پاتریک رایدەر، وتەبێژی وەزارەتی بەرگریی ئەمریکا (پنتاگۆن) لە کۆنفرانسێکی رۆژنامەوانیدا رایگەیاند، ئێمە درۆنەکەی تورکیامان لە حەسەکە خستەخوارەوە.

وتیشی، وەزیری بەگریی ئەمریکا بە تەلەفۆن قسەی لەگەڵ هاوتا تورکییەکەی کردووە و باسیان لە جموجوڵەکانی تورکیا لە نزیک هێزەکانی ئەمریکا لە سووریا کردووە و “لەگەڵ تورکیا دەبین لە شەڕی دژی گرووپە تیرۆریستییەکان”.

ئاماژەی بەوەشکرد، هەندێک جار پێگەی هێزەکانیان نزیکەی کیلۆمەترێک دوورن لە کردە سەربازی و بۆردومانەکانی تورکیا، “ئەمڕۆ کاتژمێر 11:30ـی بەیانی بە کاتی ناوخۆ، فڕۆکەیەکی بێفڕۆکەوانی تورکیا هاتووەتە ناوچەی ئۆپەراسیۆنی سنورداری ئێمە، فەرماندەکانی ئەمریکا بە مەترسیان زانیوە و بە فڕۆکەی F-16 خراوەتە خوارەوە”.

بە وتەی چەند سەرچاوەیەک کە قسەیان بۆ ئاژانسی AP کردووە، دوای چەندین جار ئاگادارکردنەوە، لایەنی تورکیا وەڵامینەداوەتەوە، دواتر درۆنەکە کراوەتە ئامانج و تێکشکێنراوە.

فڕۆکە جه‌نگییه‌كان چیای

فڕۆکە جه‌نگییه‌كان چیای "مەتین"یان بۆردومان کرد