فریاكەوتنی 24 كاتژمێری لە مەخمور كرایەوە

964+


ئەحمەد شەمزین

لە ئەمڕۆوە لە قەزای مەخمور بنکەی فریاکەوتنی تەندروستی 24 کاتژمێریی دەکرێتەوە.

بەرپرسانی ئەو قەزایە دەڵێن، چیتر پێویست ناکات بۆ حاڵەتی لەناکاو خەڵکی مەخمور و گوێڕ بچنە هەولێر.

لەوبارەیەوە، ئاکار جەمال بەڕێوەبەری تەندروستیی مەخمور بە 964ـی وت، پێشتریش بنکەی فریاگوزارییان هەبووە بەڵام تا کاتژمێر 2:00ـی پاشنیوەڕۆ دەوامی تێدا کراوە.

ئەو وتی، هاوڵاتیان دەتوانن لەمەودوا 24 کاتژمێر سەردانی بنکەکە بکەن.

964 دەزانێت، لە فریاگوزارییە هەمیشەییەدا، بەشەکانی هەناوی، پشکنین، دەرمانخانە، منداڵبوون و خەواندن بەردەست دەبن.