لە زاخۆ پیاوێکیان بە دار کوشت و سێ کەس بەهۆی پێنەدانی موچەوە گیانیان لەدەستداوە
964+
ژووری هەواڵ
– ئەمڕۆ لە گوندی رەبەنکای سنووری زاخۆ لەسەر کێشەی سووتانی زەوی و زار پیاوێک بە لێدانی دار کوژراوە، وتەبێژی پۆلیسی زاخۆ بە 964ـی راگەیاند، کوژراوەکە تەمەنی 65 ساڵە.
– سبەی دووشەممە، کۆلێژی تەکنیکی سۆران دەرماڵەی قوتابیان بۆ مانگەکانی 9 و 10 و 11 و 12ـی ساڵی 2022 خەرج دەکات.
راگری کۆلێژی تەکنیکی سۆران بە 964ـی وت، هەرچەندە دەرماڵەکانیان دواکەوت، بەڵام هەوڵدەدەین لە سبەینێوە بەبێ کەموکوڕی لە چەند رۆژێکی کەمدا دابەشی بکەین.
– بەڕێوەبەرایەتی پاسپۆرتی هەولێر ئاگاداری ئەو هاوڵاتیانە دەکاتەوە کە لە 31.5.2023 پەنجەمۆریان کردووە، ئەو پاسپۆرتانەی سیستمی کۆن جۆری ئەی بوون، پاسپۆرتەکانیان دەرچووە و بچن بۆ وەرگرتنەوەی.
– مۆزەخانەی سلێمانی نۆژەن دەکرێتەوە و بەو هۆیەوە بە رووی گەشتیاراندا تا کاتی تەواوبوونی داخراوە، کاتی تەواوبوونیشی نازانرێت کەیە.
– لە سێ رۆژی رابردوودا سێ کەس لە هەرێمی کوردستان بەهۆی پێنەدانی موچە و بایکۆتی کارمەندانی تەندروستیەوە گیانیان لەدەستداوە، 964 ئیشێکی مەیدانی لەسەر ئەم بابەتە کردووە و قسەی لەگەڵ کەسوکاری مردووەکان کردووە. چاوتان لەسەرمان بێت و بیبینن.
