دیمەنی پاککردنەوەی تانکی قوتابخانەیەک. وێنە.رێکخراوی ژینگەیی ئاڤیار
هەڵمەتی شوشتنی تانکی ئاوی قوتابخانەکانی هەولێر بەردەوامە
964+
شۆڕش هەرکی – هەولێر
لەلایەن رێکخراوێکی ژینگەییەوە هەڵمەتێک بۆ شوشتن و پاککردنەوەی تانکی ئاوی قوتابخانەکان دەستی پێکردووە و بەردەوامە.
رێکخراوەکە دەڵێت: ئامانجمانە تانکی ئاوی 60 قوتابخانەی ناو سەنتەری شاری هەولێر بشۆین و پاکبکەینەوە.
دەشتی مەنتک بەرپرسی راگەیاندنی رێکخرای ئاڤیاری ژینگەیی بە 964ی وت، بەرلە دەستپێکردنی زەنگی قوتابخانەکان هەڵمەتی شوشتنی تانکی ئاوی قوتابخانەکانی هەولێریان دەستپێکرد، تاوەکو ئێستا 40 قوتابخانە تەواوبوون و بەردەوامن و هەڵمەتەکە بۆ 60 قوتابخانەی بنەڕەتییە.
بەرپرسی راگەیاندنی رێکخرای ئاڤیاری ژینگەیی وتیشی، ماوەی چوار ساڵە رێکخراوەکەمان بەخۆبەخشی پێش کردنەوەی قوتابخانە بە هەماهەنگی شارەوانی و ژینگەی هەولێر و بەڕێوەبەرایەتی ئاوی هەولێر و چەند فەرمانگەیەکی تر ئەو کارە ئەنجامدەدەن، چونکە دوای داخستنی دەرگاکانی قوتابخانە ئەو تانکییانە بە تەواوەتی پیس دەبن.
بەپێی زانیارییەکانی 964 ساڵانێکە ئەندازەی پارکەکانی هەولێر گوڵ و نەمام لەناو بەشێک لە قوتابخانەکان دەچێنێت و گرنگی بەژینگەی قوتابخانەکان دەدات، لەناو سەنتەری شاری هەولێر زیاتر لە 400 قوتابخانە هەن.
پێداچوونەوە: توانا نەقی
داوای شۆردنی تانکی قوتابخانەکان دەکرێت
