زانکۆلاین بۆ دەرچوانی قوتابخانە نێودەوڵەتییەکان کارا دەکرێت

964+

پێشەوا محەمەد

وەزارەتی خوێندنی باڵا قوتابیانی ئامادەییە نێودەوڵەتییەکان ئاگادار دەکاتەوە، کە لە سبەینێ شەممەوە سیستمی زانکۆ لاین بۆ ئەوان بەردەست دەبێت.

وەزارەتەکە ئەمڕۆ هەینی 8.9.2023 لە راگەیەندراوێکدا بڵاویکردووەتەوە، قوتابی ئەو قوتابخانانە دەتوانن داواکاری وەرگرتن لە زانکۆ و پەیمانگاکانی هەرێم پێشکەش بکەن.

ئەوەش روونکراوەتەوە، ناوی بەکارهێنەر و وشەی تێپەڕ (یوزەرنەیم و پاسوۆرد) بۆ سەرجەم دەرچوانى ئامادەیى قوتابخانە نێودەوڵەتییەکان لە لایەن وەزارەتى خوێندنى باڵا و توێژینەوەى زانستى ئامادە کراوە و ئاراستەى وەزارەتى پەروەردە/ بەڕێوەبەرایەتى گشتى ئەزمونەکان کراوە بۆ ئەوەى ئەم دەرچوانەش بتوانن بچنە نێو سیستمى زانکۆلاین.