چوار قوتابخانە لە ناحیەی دینارتە دروست دەکرێن

+964

زەید کۆچەر – دهۆک

بە بڕیاری حکومەتی هەرێم، چوار قوتابخانە لە سنووری ناحیەی دینارتە دروست دەکرێن و ئێستا کارکردن لە بەشیک لە قوتابخانەکاندا دەستیپێکردووە.

ئەمڕۆ چوارشەممە 16.8.2023، سەربەست سەبری، بەڕێوەبەری ناحیەی دینارتە بە 964ـی وت، جگە لە دروستکردنی ئەو چوار قوتابخانەیە، قوتابخانەیەکی دیکەش لە گوندی کانێ حەلانێ نۆژەن دەکرێتەوە و بڕیارە پێش دەستپێکردنی ساڵی نوێی خوێندن تەواو بکرێت.

لە ناو ئەو چوار قوتابخانەیەی دروستد ەکرێن، دووانیان لە گوندەکانی بەڕۆژ زاوا و مێوکێ دەبن و هەردوو قوتابخانەکە بنەڕەتی دەبن.

یەکێکی دیکە لە قوتابخانەکان دەکەوێتە گوندی مالە موسێ و تاوەکو ئێستا 50‎% ‎ تەواو بووە.

هەر ئەمڕۆ حکومەتی هەرێم رەزامەندی داوە لەسەر تەرخانکردنی بڕی یەک ملیار و 600 ملیۆن دینار بۆ دروستکردنی قوتابخانەیەکی ئامادەیی 18 پۆلی لە نێو سەنتەری ناحیەی دینارتە.

ناحیەی دینارتە سەر بە قەزای ئاکرێیە و ژمارەی دانیشتووانەکەی 38 هەزار کەسە و 83 گوندی لەسەرە.

پێداچوونەوە: هاوبەش ئەبوبەکر