لاوانی یانەی هەولێر. فۆتۆ: سۆشیال میدیا
یانەی هەولێر لە یاریگەی خۆیدا دۆڕا
+964
هێژا خەسرەو ـ هەولێر
لە دووەم یاریی خۆیاندا لە قۆناغی کۆتایی خولی نایابی لاوانی عێراقدا یانەی هەولێر بە یانەی مینای بەسڕە دۆڕا.
یارییەکە ئەمڕۆ ئێوارە لە یاریگەی دووەمی پێشمەرگەی هەولێر کرا و یانەی هەولێر یارییەکەی بە 1-2 گۆڵ دۆڕاند.
رەوەند عەبدولخالق راهێنەری لاوانی هەولێر لە لێدوانێکدا بە 964ی راگەیاند: لە گێمی یەکەمدا شپرزەییمان پێوەدیاربوو، بەڵام لە گێمی دووەمدا دەروونی یاریزانانم ئارامکردەوە و یارییەکی باشمان کرد، ئێمە ورەمان نەڕووخاوە و پشت بە خوا لە یاریی داهاتوودا سەرکەوتن بەدەست دەهێنین و ئەم قۆناخەش دەبڕین.
یاریی داهاتووی لاوانی هەولێر هەر لە شاری هەولێر دەبێت لە رۆژی شەممەی داهاتوو بەرامبەر لاوانی یانەی شورتە.
پێداچوونەوە: ئەرسەلان عەبدوڵا