نمونەی سایلۆیەکی نوێ لە گەرمیان. وێنە:964+
58 ملیار دیناری جوتیاران گەشت لە عێراقەوە
964+
توانا نەقی
بڕە پارەیەکی تری جوتیارانی هەرێم لە بەغدا خرایە سەر هەژماری وەزارەتی بازرگانی هەرێم.
بڕی 58 ملیار دیناری تری شایستە دارایی جوتیاران خرایە سەر ئەژماری وەزارەتی بازرگانی و پیشەسازی لە شایستەی دارایی جوتیاران بۆ ساڵی 2023.
دابەشکردنەکەش بە جۆرێکە 27 ملیار دینار بۆ پارێزگای سلێمانی، 18 ملیار دینار بۆ پارێزگای هەولێر و 13 ملیار دینار بۆ پارێزگای دهۆک دەبێت.
نەوزاد شێخ کامیل، بەڕێوەبەری گشتی بازرگانی هەرێم بە 964ـی وت، چەکی پارەکە گەشتووە و دوای رێکارە کارگێڕی و داراییەکان دەست بەدابەشکردنی دەکرێت.
وتیشی، ماوەی یەک هەفتەی تری پێویستە ئەو رێکارانە و دەبوو ئێستا کامل پارەکە کە 400 ملیارە بگەشتایەتە هەرێم، چونکە ئەمساڵ وا بڕیار بوو کە دوای 10 رۆژ پارەی جوتیاران بە تەواوەتی بگات، ئەم لە کاتێکدایە پارەی جوتیارانی ناوڕاست و خوارووی عێراق بە تەواوی دابەشکراوە.
لە سەرەتای ئەم مانگەوە بڕی 10 ملیار و نیوی دیکە خرایە سەر هەژماری وەزارەتی بازرگانی هەرێم و پێشتریش 68 ملیاری دیکە نێردرابوو بۆ شایستە داراییەکانی جوتیارانی هەرێمی کوردستان.