ئیبراهیم حەکیم تەندروستی جێگیرە

964+

شۆرش هەرکی

هونەرمەند ئیبراهیم حەکیم، پاش تێکچوونی تەندروستی بەپەلە رەوانەی ئێران دەکرێت و نەشتەرگەری بۆ ئەنجامدەدرێت.

چەند رۆژێکە باس لە خراپی دۆخی تەندروستی ئیبراهیم حەکیم دەکرێت، بەپێی زانیارییەکانی 964 پاش درامای “هەشت دیوار” هونەرمەند تەندروستی تەواو خراپ بووە و بەرگری جەستەی لەدەستداوە و گرفتی میزەڕۆی هەبوو.

ئەکتەر و دەرهێنەر کارۆخ کوڕی ئیبراهیم حەکیم بۆ 964 وتی، ” پزیشکەکان پێیان وتین ئەگەر زوو نەشتەرگەری بۆ نەکرێت مەترسی تووشبوونی بە شێرپەنجە هەیە، لە ئێستادا  تەندروستی باوکم جێگیرە و بەسەرکەوتوویی نەشتەرگەری بۆ ئەنجامدرا”

ئیبراهیم حەکیم زیاتر لە 70 ساڵ تەمەنیەتی و بە هونەرمەندێکی قسەخۆشی شاری هەولێر ناسراوە و بەشداری لە چەندین فیلم و درامادا کردووە

پێداچوونەوەی: پەرستۆ ساڵح