ئەمساڵ 886 رووداوی ئاگرکەوتنەوە لە هەولێر هەبووە

964+

هاوبەش ئەبوبەکر

لە سەرەتای ئەمساڵەوە نزیکەی 900 رووداوی ئاگرکەوتنەوە لە سنووری پارێزگای هەولێر تۆمار کراون و زۆربەیان بە هۆی شۆرتی کارەباوە بووە.

ئەمڕۆ دووشەممە 17.7.2023، سەرکەوت کاڕەش وتەبێژی بەرگریی شارستانیی هەولێر بە 964ـی راگەیاند، لە کۆی 886 رووداوی ئاگرکەوتنەوە، 423 رووداویان بە هۆی شۆرتی کارەباوە بوون.

تەنیا لە وەرزی گەرمای ئەمساڵدا، 168 ئۆتۆمبێل، 199 ماڵ و پووش و پاوانی 270 پارچە زەوی سووتاون.

وتەبێژی بەرگریی شارستانیی هەولێر راشیگەیاند، لە سەرەتای ئەمساڵەوە تا ئێستا، 10 کەس لە کاتی مەلەکردندا لە سنووری پارێزگاکە گیانیان لەدەستداوە.